Psa 42 | THOT | STEP | לַ מְנַצֵּ֗חַ מַשְׂכִּ֥יל לִ בְנֵי ־ קֹֽרַח ׃

Psalms 42

1 לַמְנַצֵּחַ מַשְׂכִּיל לִבְנֵי־קֹֽרַח׃ 2 ^{▼▼English Ref=42.1} כְּאַיָּל תַּעֲרֹג עַל־אֲפִֽיקֵי־מָיִם כֵּן נַפְשִׁי תַעֲרֹג אֵלֶיךָ אֱלֹהִֽים׃ 3 ^{▼▼English Ref=42.2} צָמְאָה נַפְשִׁי׀ לֵאלֹהִים לְאֵל חָי מָתַי אָבוֹא וְאֵרָאֶה פְּנֵי אֱלֹהִֽים׃ 4 ^{▼▼English Ref=42.3} הָֽיְתָה־לִּי דִמְעָתִי לֶחֶם יוֹמָם וָלָיְלָה בֶּאֱמֹר אֵלַי כָּל־הַיּוֹם אַיֵּה אֱלֹהֶֽיךָ׃ 5 ^{▼▼English Ref=42.4} אֵלֶּה אֶזְכְּרָה׀ וְאֶשְׁפְּכָה עָלַי׀ נַפְשִׁי כִּי אֶֽעֱבֹר׀ בַּסָּךְ אֶדַּדֵּם עַד־בֵּית אֱלֹהִים בְּקוֹל־רִנָּה וְתוֹדָה הָמוֹן חוֹגֵֽג׃ 6 ^{▼▼English Ref=42.5} מַה־תִּשְׁתּוֹחֲחִי׀ נַפְשִׁי וַתֶּהֱמִי עָלָי הוֹחִילִי לֵֽאלֹהִים כִּי־עוֹד אוֹדֶנּוּ יְשׁוּעוֹת פָּנָֽיו׃ 7 ^{▼▼English Ref=42.6} אֱֽלֹהַי עָלַי נַפְשִׁי תִשְׁתּוֹחָח עַל־כֵּן אֶזְכָּרְךָ מֵאֶרֶץ יַרְדֵּן וְחֶרְמוֹנִים מֵהַר מִצְעָֽר׃ 8 ^{▼▼English Ref=42.7} תְּהֽוֹם־אֶל־תְּהוֹם קוֹרֵא לְקוֹל צִנּוֹרֶיךָ כָּֽל־מִשְׁבָּרֶיךָ וְגַלֶּיךָ עָלַי עָבָֽרוּ׃ 9 ^{▼▼English Ref=42.8} יוֹמָם׀ יְצַוֶּה יְהוָה׀ חַסְדּוֹ וּבַלַּיְלָה שִׁירָהּ ^{▼▼For Ketiv שִׁירָהּ Qere= שִׁירוֹ} עִמִּי תְּפִלָּה לְאֵל חַיָּֽי׃ 10 ^{▼▼English Ref=42.9} אוֹמְרָה׀ לְאֵל סַלְעִי לָמָה שְׁכַחְתָּנִי לָֽמָּה־קֹדֵר אֵלֵךְ בְּלַחַץ אוֹיֵֽב׃ 11 ^{▼▼English Ref=42.10} בְּרֶצַח׀ בְּֽעַצְמוֹתַי חֵרְפוּנִי צוֹרְרָי בְּאָמְרָם אֵלַי כָּל־הַיּוֹם אַיֵּה אֱלֹהֶֽיךָ׃ 12 ^{▼▼English Ref=42.11} מַה־תִּשְׁתּוֹחֲחִי׀ נַפְשִׁי וּֽמַה־תֶּהֱמִי עָלָי הוֹחִילִי לֵֽאלֹהִים כִּי־עוֹד אוֹדֶנּוּ יְשׁוּעֹת פָּנַי וֵֽאלֹהָֽי׃